كل سنة وأنتم طيبين بمناسبة المولد النبي الشريف، مولد أعظم إنسان في البشرية رسول الله صلى الله عليه وسلم . طبعاً مولد النبي مليان بالذكريات الجميلة والتقاليد الحلوة ، وخاصةً هنا في مصر، ولأني والدتي مصرية أتعودت كل عام نجتمع كلنا وبيجوا قرايبنا للبيت، ونعمل أكل وعزائم حلوة ، وأهم الوجبات طبعاً بتكون الفتة لأنها من الوجبات اللي مرتبطة عندنا بالمناسبات الدينية الجميلة، وكمان المحاشي والأطباق الشهية. طبعاً يوم المولد النبوي بيجيني هدايا حلويات كتير جداً، ولا أكدب عليكم أنا لا أحب الحلويات كثيراً،...

تصوروا أني مش بخاف أبداً من الحيوانات الضخمة ولا بحس برعب منها ، بالرغم من أني بموت من الرعب بس لو شوفت فار عدى جنبي أو صرصار. حتى لما بسافر برا بحب جداً أروح حدائق الحيوانات هناك، وفي بعض الأحيان بيكون حدائق خاصة للزواحف مش بخاف نهائياً من التعبان بس طبعاً اللي مش سام، يعني ممكن صحابي يحبوا يهزروا معايا يرموا على تعبان ضخم جداً، بمسكه عادي أوي وبتبقى أعصابي هادية وقوية جداً ، على عكس لو شوفت فار مبعرفش أقعد في المكان وببقى مرعوبة أوي أو أى حشرات صغيرة وبسيطة. بس مش معنى كدا أني بحب الحيوانات...

الطبخ نفس ومزاج ... دا بجد وحقيقة ومش ممكن حد يطلع أكل طعمه حلو من غير ما يكون نفسه حلو وعامله وهو رايق ومبسوط ، بالرغم من أني مش بدخل مطبخ كتير أوي لكني طباخة شاطرة جداً ،لدرجة لو أكلت أكلة جديدة في مطعم ومش عملتها قبل كدا أقدر أعملها وأعرف إيه مواصفاتها وتطلع مني زى المطعم بالظبط وأحياناً أحلى كمان، وممكن أكلات حد يكون بيعملها وأنا أضيفله عليها شوية حاجات تخليها أجمل بكتير، زى التوابل بس حاجات معينة، هابقى أكتبلكم بعض الوصفات بتاعتي الخطيرة الفترة الجاية بس أوعدكم أول ما أكون فاضية شوية ومش...