قالت له " انا عايزة هدايا بسيطة ، انا احب البساطة في كل حاجة " فراح جايب لها وردة فقالت له " وردة واحدة بس ، مش هاين عليك تجيب بوكيه ورد ...."

قال لها " انا عمري ما كدبت قبل كده " قالت له " ولا انا " وده كانت اول كدبة مشتركة بينهم!!!!!

قالت له " اعيش معاك في عش عصفورة " قالها " موافق " ، فقالت له " بس يكون ع النيل ، اصلي بتخنق من الزحمة !!!!!!!!!!"

قال لها " مستعد اجيبلك نجوم السما " ، قالت له " انا عايزه لؤلؤة اعلقها في سلسلة " ، فقال لها " انا اعرف اطير بس ماعرفش اعوم !!!!!!!!"

قال لها " هافضل احبك لاخر يوم في عمري " فقالت له " وانا كمان هافضل احبك لاخر يوم في عمرك !!!!!!!!!!!"

قال لها " احلفلك بايه ؟ ان مش هايجي يوم وابص لواحدة غيرك " ، قالت له " من غير ما تحلف يا حبيبي ، انا زي الشمس اللي يبص لي مرة ، مش هايعرف يبص تاني لغيري !!!!!"

قالت له " هو انا جميلة ؟" ، قال لها " طبعا انت اجمل واحدة انا شوفتها في حياتي " ، قالت له " وشوفتهم بقى فين وامتى ؟!!!!!!!!!!!"