في ناس بتقول ابتسم للحياة علشان تبتسم لك ... بس عمر ما حد قال نبتسم امتى بالضبط يعني اعرف منين انها بتبص عليا علشان تشوف ابتسامتي!!!!!!!!!!!!

في ناس بتقول الحياة غنوة .... المفروض كانوا يقولوا انها موال !!!!!!!!!!!!!!

كل ما تقابل حد يقولك اصل انا الدنيا علمتني ... على اساس يعني ان الدنيا مدرسة .. طيب لوالناس شاطره اوي كده مفيش حد عايز يتخرج منها ليه!!!!!!!!!!!!!!!!!

لو احترت مع صاحبك او مع اي حد وحسيت انك مش عارف هو عايز ايه ... اوعى تتضايق لانه غالبا هو نفسه مش عارف هو عايز ايه ولا انت كمان!!!!!!!!!!!

تلاقي واحد قاعد زعلان ويجي واحد تاني يقوله انت زعلان ليه ؟..... ودي تبقى آخر حاجة هو فاكرها بعد ما يصحى يلاقي نفسه في المستشفى يعاني من كسور مضاعفة!!!!!!!!!!!!

مين اللي ضحك عليك ؟ وانت ازاي صدقته ؟ قال لك انك انسان حر ....بالذمة ده كلام حد يصدقه!!!!!!!!!!!!!!!!!!!

انت خايف من ايه ؟ يعني هايحصل فيك ايه اكتر من اللي حصل قبل كده ؟ ... ما هو انت جيت الدنيا خلاص والفاس وقعت في الراس !!!!!!!!!!!!

انت زهقت مش كده ... وانا كمان اقولك الخلاصة:

بعد سنوات طويلة من التجارب المعملية والدراسات النفسية والسيكولوجية توصلت الى هذه الحقيقة الجوهرية الالمعية :

الحياة لا هي حلوة ولا هي غنوة بل هي خيبة امل كبييييييييييييييرة !!!!!!!!!!!!!!!!!!!!