سهرت ليلي وقولت اغني يمكن غناي يفرح حبايبي وقعدت اغني واقول يا فرحي يا دنيا حلوة تعالي عندي لحد ما راسي وجعني محدش ليه سامعني ؟ يا خسارة غناي وسهر الليالي

في منتصف الليل نهضت من فراشي واخرجت من الخزانة وشاحك وجلست القنه من اشعاري حتى اذا ارتديتيه بث لك اشواقي وقد انتهى الليل واشرق النهار ووقفت امام المرآة ترتدين الوشاح وانا في انتظار ابتسامتك لأعلن بدء الافراح وما ان التف حول عنقك واستنشق رائحة عطرك اشار اليّ من بعيد وقال :

اخبرتها ان حبها احرق روحي فقالت اليك عني فدخانك يخنقني !!!!!!!!! اخبرتها اني جريح وجرحي يؤلمني فقالت : فلتذهب الى الطبيب ولا تزعجني !!!!!!!! اخبرتها اني اشتقت اليها فقالت : وماذا جنيت انا من اشتايقك الي !!!!!!!! اخبرتها ساضع قلبي تحت قدميها

في ناس بتقول ابتسم للحياة علشان تبتسم لك ... بس عمر ما حد قال نبتسم امتى بالضبط يعني اعرف منين انها بتبص عليا علشان تشوف ابتسامتي!!!!!!!!!!!! في ناس بتقول الحياة غنوة .... المفروض كانوا يقولوا انها موال !!!!!!!!!!!!!! كل ما تقابل حد يقولك اصل انا الدنيا علمتني ... على اساس يعني ان الدنيا مدرسة .. طيب لوالناس شاطره اوي كده مفيش حد عايز يتخرج منها ليه!!!!!!!!!!!!!!!!! لو احترت مع صاحبك او مع اي حد وحسيت انك مش عارف هو عايز ايه ... اوعى تتضايق لانه غالبا هو نفسه مش عارف هو عايز ايه ولا انت...

مش صحيح ان الرجالة بتنسى تاريخ جوازها وحد ينسى يوم دخوله السجن !!!!!!! مش صحيح برضه ان فيه راجل مش فاكر تاريخ ميلاد مراته ، ازاي ينساه وهو بيتعامل مع التاريخ ده على انه تاريخ الصلاحية !!!!!!!! بيقولوا يوم الفرح العروسة بتلبس ابيض لانها فرحانة .. حقها ما هو ده اول وآخر يوم هاتفرح فيه في حياتها!!!!!! العريس يلبس بدلة سودة دليل على انه في حالة حداد .. يستاهل مش هو اللي عايز يتجوز يشرب بقى !!!!!!!!!!!! يوم الفرح بيشربوا شربات وعادة بيبقى لونه احمر ..هو يشرب من كاسها وهي تشرب من كاسه ....مش...

دائما ما كنت ولازلت اؤكد ان ما يكتب ليس بالضروروة يعبر عن كاتبه وان كتاباتي من وحي خيالي ... وانني اقوم بتخيل موقف معين واتحدث عنه يعني عن السعادة ، الامل ، الاشتياق ، الخوف .... ولكن في الوقت الاخير اللي متابع المدونة اكيد لاحظ ان ادراجاتي كلها نكد وغم وان المفروض اني اسميها " شوية نكد " بدل من "شوية فرفشة " !!!!!!!! يعني كل ما حاول اتخيل موقف سعيد ينتهي بي الامر الى اني اتكلم عن واحد حاسس انه هايموت وحيد!!!!!!!!!!!!!! وكل ما افكر في واحد شايف الدنيا وردي الاقي نفسي كتبت عن واحد عمره ما شاف...

واحد و مراته وصلوا المطار من الخارج وهما عند الجمارك اكتشف الضابط وجود ادوية بقيمة 100 الف جنية وطبعا اتعمل لهم محضر تهريب ، يقوم يعمل ايه الزوج المحترم ؟ يصمم ان المحضر يكتب باسم مراته!!!!!!!!!!!!!!!!!! ايه كرم الاخلاق ده ؟!!!!!!!!! الراجل عمره ما كتب حاجة باسم مراته فيقوم اول ما يخطر على باله انه يكتبلها حاجة تكون محضر تهريب في جمارك المطار!!!!!!!!!!!!!!!!! يا سلام على الدنيا وعلى اللي بيحصل فيها ، كل ما الواحد يقول خلاص مفيش حاجة ممكن تصدمه يقرا خبر زي ده فيكتشف انه كان غلطان ...... فكرة ان...

انت تعبان مش كده ؟ زهقان من الدنيا ومن اللي فيها صح ؟ بتصحى الصبح وتنزل من بيتكوا بتقول ادي يوم كمان بيعدي من عمري وتركب الاتوبيس او حتى عربيتك لو انت من التعساء اللي عندهم عربيات !! اصل اليومين دول اللي عنده عربية يستحق الدعاء الله يكون في عونهم من البنزين و التصليحات ومن نصف ساعة بتضيع لحد مايلاقوا مكان يركنوا فيه !!!! المهم علشان ما الموضوع ما يتوهش مني وانسى انا عايزة اقول ايه .. تنزل الشارع تلاقي الناس كلها عابسة وشها من كتر الزهق و القرف بقى مكرمش !!!! تيجي تعدي من جنب واحد وغصب عنك تخبط...

اتقدم علشان يتجوزها على انه طبيب بيطري وبعد سنة من الجواز اكتشفت انه حانوتي!!!!!!!!! خبر لسه منشور في الجرنال ، حاجة تضحك ، بجد يعني المفروض الواحد بعد كده اللي رايح يتقدم لواحدة علشان يتجوزها يجيب معاه ملف فيه كل مؤهلاته مختومة بختم الدولة !!!!! ايه اللي بيحصل في الدنيا ده ؟ والله بجد الواحد مش عارف يعمل ايه ، كل يوم بنكتشف ان اخلاق البشر في حالة تدهور مستمر الى القاع ، لأ ده الوضوع تخطى حتى مرحلة القاع بكتير!!!! اللي صعبان عليا بقى في الموضوع هو الشخص نفسه اللي ادعى انه طبيب بيطري بدل ما...

ايه احلى حاجة في قصة روميو وجوليت ؟ .. انهم ماتوا هما الاتنين طبعا !!!!!!! اكيد انتو بتقولوا ايه الجنان ده ؟ بس فعلا لو فكرتوا شوية هاتلاقوا ان جمال وروعة قصة حبهم في انهم مالحقوش يتجوزوا بعض ، والا ساعتاها كان كل واحد ظهر على حقيقته !!!!! بجد يعني لو كان روميو اتجوز جوليت .. طبعا الفرح كان لازم يكون في فندق تسع نجوم .. والانتريه من باريس واوكر الباب من ايطاليا ده غير شهر العسل اللي لازم يبقى في جزر المالديف اللي غرقت !!!!!!!. .. وحماة روميو تطلع عينه .. والعيال والمدارس والاكل والشرب و........