بتشوفوني يا جماعة في برنامج (رامز حول العالم) كل يوم على قناة الحياة؟! لو بتشوفوه قولوا لي إيه رأيكم فيه؟ إنتوا فاكرين إن فيه بعض مشاهد من البرنامج معمولة بالجرافيك وداخل عليها شوية خدع سينمائية؟! الكلام ده مش صحيح خالص لأن كل المشاهد دي طبيعية مليون المية لأني عشتها بنفسي وعرضت حياتي للخطر كتير علشان الحلقات تطلع مميزة. إحنا صورنا في مصر وتايلاند والصين والمغرب وجنوب أفريقيا.. وفي كل دولة من الدول دي حكاية وقصة، لكن أخطر حلقة من الحلقات من وجهة نظري كانت لما قعدت على جناح طائرة وهي بتطير لمدة...

بحب جداً التمثيل والسباحة والسفر لأن في كل حاجة من دول بلاقي الحياة بقى ليها طعم مختلف. في التمثيل بحس إني رامز الشقي بمقالبه وطموحه وأحلامه. وفي السفر بلاقي فعلاً ناس مختلفة ومناظر جديدة وعلى فكرة للعلم أنا بعتبر إن تغيير الأماكن والمناظر اللي حوالين الواحد يعتبر رياضة للعيون لازم الإنسان يمارسها كل فترة على قد ما يقدر. أما في الغنا فبحب أوي أدندن مع نفسي وبحب جداً صوت إليسا وعمرو دياب وحماقي.. دول التلاتة اللي بعشق أصواتهم. أما السباحة ففي رأيي أن الإنسان لما بيسبح فبيغسل أحزانه وهمومه زيها...

نزلت من كام يوم كده مولات كتير أوي وتعبت من اللف على رجلي علشان أشتري لبس جديد. أصلي بحب أوي شراء اللبس اللي مش منتشر ومحدش كتير بيلبسه. والله ده مش تعالي وتناكة مني ولا حاجة بس ده علشان خاطر الناس اللي حتشوفني كل يوم في رمضان.. ويا رب تستحملوني وأكون خفيف على قلبكم لأني حعمل برنامج اسمه (رامز في الخارج). البرنامج ده حيتذاع على قناة الحياة يومياً في رمضان، فلازم كل يوم أطلع لابس حاجة جديدة ولا إيه يا جدعان؟ أحلى حاجة في البرنامج ده إنه بعيد تماماً عن الروتين والعقد بتاعة قعدة المذيع على...