الحمد لله فقرة "حكم القوي" في برنامج "كل ليلة " اللي بقدمه بدأت تلاقي اهتمام أكتر وتجاوب مع الناس. الفقرة دي بالتحديد أنا فرحت عشانها لأني بحب جداً أهتم بمشاكل الناس الغلابة لأني بضعف أمامهم، ماليش أوي في الناس الشيك والإتيكيت لكن بتمنى ربنا يقدرني وأقدر أساعد أي حد ضعيف أو غلبان أو مش عارف يوصل لحقه . على فكرة الفضفضة كمان حاجة مريحة جداً بشكل عام ، لدرجة وأنا بسمع لمشاكل الناس وخصوصاً العاطفية بقيت عارف ومتأكد أنهم أصبح عندهم الخبرة عشان يعرفوا حل المشكلة بس منتظرين حد يديهم دفعة لخطوة جد ،...

ضرب وشلاليت وشقلباظات ومغامرات وحاجات كتير أوي بتجمع بيني وبين أولادي الإتنين يوسف وناير اللي بموت فيهم. هما فعلاً كل أملي في الدنيا وأغلب وقتي بقضيه معاهم لعب في لعب. يوسف هو ابني الكبير وعنده 7 سنين أما ناير فعنده 5 سنين.. وبالرغم من صغر سنهم إلا أنهم بيحبوا جداً يتابعوا شغلي وفعلاً بكون مبسوط أوي لما بسمع رأيهم. بتمنى دايماً إني أكون أب جيد ليهم وأكون كويس في معاملتي معاهم ودايماً حريص على إننا نكون إحنا التلاتة أصحاب لأني مش بحبهم يتعودوا إنهم يخبوا أي شيء عني. أنا كمان بعاملهم بنفس...

مبسوط أوي إني بدأت أدون هنا النهاردة.. ولو إني مشغول اليومين دول بالبرنامج الجديد بتاعي واللي حبدأ فيه على راديو (محطة مصر) أون لاين. بفكر في كذا اسم للبرنامج، بس حخليهم مفاجأة وإن شاء الله البرنامج وكمان اسمه يعجبوكم. إحنا كلنا (فريق العمل) شغالين على الموقع website، وغرفة الدردشة chat room اللي حتكون موجودة على طول، لأننا عايزين (محطة مصر) تكون مختلفة عن أي راديو تاني، والبرامج تكون بتمس الناس وتكون موجهة لجميع المراحل العمرية، ويكون برضه فيها تفاعل مباشر مع الجمهور، ويقدروا يعبروا بحرية...