كل واحد أكيد عنده هواية بيحبها ويفضلها عن غيرها. أنا مثلاً عن نفسي وأنا من زمان بحب أوي تجميع العملات.. يعني عندي عدد كبير أوي من عملة التعريفة القديمة.. معلش اعذروني أنا راجل قديم شوية.. بس الغريبة إني ماكنتش واخد بالي إن الموضوع ده هواية ولا كنت عارف أصلاً أنا بجمعهم بالأعداد الكبيرة دي ليه؟! الموضوع بصراحة جه بالصدفة البحتة وده اللي حيخليني أقولكم الحكاية أصلها إيه. زمان كنت باخد مصروف يعني هو قليل بتاع 5 قروش فكنت بجيب عسلية لأني بحبها أوي.. والعسلية بتاعة زمان دي كانت مختلفة تماماً عن...

عشت معظم حياتي وطفولتي كلها لغاية المرحلة الثانوية في المنيا في الصعيد، وبعد كده جيت على القاهرة علشان أدخل الجامعة.. فدخلت كلية التجارة. وأنا صغير لما كنت في ابتدائي كنت في مدرسة راهبات بني مزار وكل ما أفتكر المدرسة دي بفتكر على طول الشورت والقميص والجزمة والشراب الأبيض.. لكن بصراحة ماكنتش بحب لبس الشورتات وكنت بحب أكتر البنطلونات. كان لازم طبعاً السندويتشات تبقى في الشنطة ورغم كده كنت بحب الأكل اللي بيتباع على الرصيف بغض النظر من تحذيرات أبويا وأمي. أنا صحيح منياوي لكن إتولدت في إسكندرية في...