بحب أسمع جداً الأغاني الشعبية ، وبتسلطن جداً لما بسمع أغاني محمد رشدي وأحمد عدوية ، بحس فيها بمتعة ، بالرغم من أني مش مطرب شعبي، لكني بحب أسمع جداً اللون الشعبي، وبحس أنهم بيعبروا عن الناس ببساطة وحب ودون تكلف. يعني مش لازم كلام مرصوص عشان الإنسان يوصل لقلب الناس ،ممكن حاجات في منتهى السلاسة بس تكون بعذوبة وتخرج من القلب هتوصل للناس ويحسوها، بس أنا مفكرتش أغني شعبي بالرغم من أني عملتها مرة في حفلة لى غنيت شعبي بس بطريقتي يعني مش بالطريقة الشعبية. كمان بحب جداً أسمع أغاني أم كلثوم وعبد الوهاب،...

بحس أن الفنان مش بس شهرة وفلوس ونجاح، لكن لازم يكون له دور ورسالة للناس اللي بيشجعوه ويحبوه ، ودا بيخليني ديماً حريص على تلبية أى دعوة بتجيني من معهد أورام السرطان، عاوز أقولكم أني قضيت هناك مع الأطفال أجمل أوقات حياتي بمعنى الكلمة ، لأن لأول مرة الإنسان يحس أنه قادر فعلاً يسعد إنسان من كل قلبه ويقدر يخرج الإبتسامة منه، دي حاجة مش سهلة وبسيطة، خاصة مع طفل مريض بالمرض البشع دا السرطان ، واللي بتمنى أننا في أقرب وقت نقضي عليه، ونخلي نسبة الشفاء منه عالية . كنت مبسوط وأنا بغني معاهم وبجد فرحت لما...

بعشق السباحة ومهما كنت مشغول وعندي حفلات أو مسافر بحن ديماً للبحر والسفر، الصيف دا سافرت مارينا واللي بحبها جداً، وليها معزة خاصة عندي لأني ديماً بشارك في حفلات فيها والحمد لله كانت ناجحة ، وأغلب أصحابي ديما كمان بيسافروا مارينا فبيكون بالنسبة لى الموضوع جميل جداً، فرصة نتقابل ونتكلم ونفضفض، وأحياناً لو من أصحابي شعراء أو ملحنين دا بيخلي مقابلتنا ديماً ممكن شوية يكون فيها شغل ، بس لما ببقى جوا البحر ببقى سعيد جداً بالسباحة وهى من أكتر الحاجات المحببة لقلبي من وأنا صغير وكنت حريص أوي على أني...