عارفين نفسي في إيه أوي ؟؟؟؟ نفسي أشوف حالة عندها إنفلونزا خنازير على الواقع يعني بتبقى عاملة إزاى إيه أعراضها بجد بتأثر على الإنسان إزاى ... عندي فضول رهيب هيموتني أني أشوف حد عنده كدا ، بس طبعا ربنا يستر ومش تيجيلي. مع أني والله واخدة الدنيا ببساطة شديدة أوي ومش هاقول أني ماشية على التعليمات بتاعة وزارة الصحة تمام يعني لكن بقول خليها على ربنا ، وربنا بيستر إن شاء الله. لكن مش بقول للناس طبعاً يعملوا زيي، لكن برضه لازم منعملش ذعر شديد وخوف نخليها برضه أبسط من كدا . يعني اللي بيخاف أوي كمان مش...

قررت النهاردة أشتري مجموعة كتب شعر لسيد حجاب وصلاح جاهين وعبد الرحمن الأبنودي، بالرغم من أني بحب القراية جداً ، وديما بقرا كتب علم نفس وأي كتب عموماً بتحكي عن النفس البشرية لكن حسيت بأني جاهلة جداً خصوصاً بعد ما قعدت إمبارح مع عمو نبيل والد أعز صحباتي " ماريز " ، وقعد يقرالنا شعر. حسيت حاجات بجد جديدة ومختلفة على ، أنا ديما بقوله من كتر الكتب اللي عنده، أني في يوم هاخدها أبيعها، طبعا بهزر معاه، بس هو ديما بيقعد معانا جلسات ثقافية نسمع منه ونتعلم ، وكتير جداً باخد منه كتب أقراها ، أنا دلوقتي...